Бүх төрлийн, бүх түвшний сургалт эцсийн дүндээ хөдөлмөрийн зах зээлтэй холбогддог буюу ГИНЖИН НӨЛӨӨЛӨЛ - Ерөнхий боловсролын сургуулийн ахлах ангийн хичээл сонголт, мэргэжлийн боловсрол, сургалт болон их дээд сургуулийн мэргэжлийн хөтөлбөрийн сонголт нь бие биедээ гинжин хэлбэрээр нөлөөлдөг бөгөөд эцсийн дүндээ хөдөлмөрийн зах зээлтэй холбогддог. Түүнчлэн мэргэжлийн боловсрол, сургалт болон их, дээд сургууль төгссөний дараа хөдөлмөрийн зах зээлд ажлын боломж байхгүйгээс болж ажилгүй байх эсвэл эзэмшсэн мэргэжлээрээ бус өөр чиглэлээр (жишээ нь багш их, дээд сургууль төгсөөд худалдагч хийх) ажиллах нөхцөлтэй тулгарах тохиолдол цөөнгүй байдаг. Тэгвэл ажил мэргэжлийн чиг баримжаа олгох хэр сайн бэлтгэлтэй байна төдий чинээ ажил мэргэжлийн илүү сайн үр дүнтэй байдаг. 
 

Ажил мэргэжлийн чиг баримжаа нь суралцагчдад хичээл, сургалтаа төлөвлөх, сургууль төгссөний дараах боломжуудын талаар олж мэдэх, өөрт тохирох ажил мэргэжлийн сонголт хийхэд бэлтгэх, өөрт байгаа боломжоо хамгийн сайн ашиглах, хамгийн сайн тохирох ажил мэргэжил эсвэл сургалтаа сонгох, энэ сонголттой холбоотой шаардлагууд болон сонголтын үр дагавар ямар байхыг ойлгоход туслах болно.

ЕБС-ийн VIII-XII ангийн суралцагчдад зориулсан ажил мэргэжлийн чиг баримжаа олгох үйл ажиллагааны цаасан суурьт процессыг дэвшилтэт технологийн шийдлийг ашиглан цахим суурьт системд хөрвүүлэх зорилготой.

Ажил мэргэжлийн чиг баримжаа олгох үйл ажиллагаанд идэвхитэй оролцсоноор та бүхэн дараах үр дүнд хүрсэн байна. Үүнд:

Өөрийнхөө сонирхол, чадвар, болон хувь хүний онцлог, ажиллах арга барилаа таньж мэдсэнээр Монгол улсын хөдөлмөрийн зах зээл, ажлын ертөнцийн талаар ойлгож мэдлэгтэй болно. Түүнчлэн ажил мэргэжлийн боломжууд болон эдгээрээс өөртөө хамгийн сайн тохирсон ажил мэргэжлийн талаар мэдлэгтэй болсноор 12 дугаар ангиа төгссөний дараа цаашид суралцах боловсрол, сургалтын боломжууд, 10 дугаар ангид судлах хичээлүүдийн сонголт болон сонголтын талаар эцэг эх, асран хамгаалагч, ангийн багштайгаа зөвлөж нэгдсэн шийдэлд хүрэх болно.